आज व उद्याचा हवामान अंदाज : राज्यात इथे मुसळधारेचा अंदाज | Maharashtra Weather Update - हवामान अंदाज महाराष्ट्र 2024

Maharashtra Weather Alert : पोषक हवामानामुळे राज्यात दोन ते तीन दिवस सर्वदूर पावसाचा अंदाज आहे. आज (ता. १4) कोकण, उत्तर महाराष्ट्र, विदर्भात बहुतांशी ठिकाणी, तर दक्षिण मध्य महाराष्ट्र, मराठवाड्यात बऱ्याच ठिकाणी पावसाची शक्यता आहे. कोकण, मध्य महाराष्ट्रासह राज्यात तुरळक ठिकाणी जोरदार पावसाचा इशाराही हवामान विभागाने वर्तविला आहे.

मॉन्सूनचा आस असलेला कमी दाबाचा पट्टा सर्वसाधारण स्थितीच्या दक्षिणेकडे कायम असून, राजस्थानमधील कमी दाब क्षेत्रापासून गुजरात, शाजापूर, संभाळपूर ते बंगालच्या उपसागरातील कमी दाब क्षेत्रापर्यंत सक्रिय आहे. तर अरबी समुद्रापासून गुजरात, मध्य प्रदेश, छत्तीसगड, ओडिशापर्यंत ते ठळक कमी दाबाच्या क्षेत्रापर्यंत हवेचा कमी दाबाचा पट्टा कायम
आहे.

कमी दाब क्षेत्राची तीव्रता वाढली
राजस्थान आणि गुजरात परिसरावर हवेचे कमी दाबाचे क्षेत्र असून, त्याला लागूनच समुद्र सपाटीपासून ५.८ किलोमीटर उंचीवर चक्राकार वाऱ्यांची स्थिती कायम आहे. तर बंगालच्या उपसागरातील ठळक कमी दाब क्षेत्राची तीव्रता वाढत असून, त्याचे अतितीव्र कमी दाब क्षेत्रात रूपांतर होणार आहे. ही प्रणाली राज्यात पाऊस वाढण्यास पोषक ठरणार आहे.

हे पण वाचा - Maharashtra Monsoon : आज पुन्हा "या जिल्ह्यांना" जोरदार पाऊस झोडपणार; पंजाब डख यांचा नवीन हवामान अंदाज

हे पण वाचा :

कमी दाबाचे क्षेत्रामुळे राज्यात दोन दिवस पावसाचा जोर वाढण्याची शक्यता आहे. आज (ता. १4) कोकण, पश्‍चिम महाराष्ट्रात काही ठिकाणी मुसळधार पावसाचा ‘ऑरेंज अलर्ट’ देण्यात आला आहे. तर कोकण, मराठवाडा, पूर्व विदर्भात तुरळक ठिकाणी जोरदार पावसाचा, तसेच उत्तर मध्य महाराष्ट्र विदर्भात विजा, गडगडाटासह पावसाचा ‘येलो अलर्ट’ हवामान विभागाने दिला आहे.

हे पण वाचा - मान्सून २०२२ । ११ जुलै संपूर्ण भारतासाठी मान्सूनचा हवामान अंदाज । Monsoon Updates Maharashtra